ابڙو اڪيڊمي Abro Academy
2020-07-19
داخلا نمبر 593
عنوان چانهه، چاري پکي
شاخ پکي
پڙهيو ويو 396
داخلا جو حوالو:
چانهه، چاري پکي
چانهه، چاري پکي
هي پکي 30 سينٽي ميٽر بت جو ٿئي ٿو ۽ ڪشميري چانهه کان قدبت ۽ عادتن ۾ گهڻو مختلف نه آهي. نر ماد هڪجهڙا ٿين ٿا. پيٽ، پٺي ۽ پيشاني بادامي؛ مٿو هلڪو نيرو، پرن جا کنڀ ترتيبوار هلڪا ۽ گهرا نيرا اٿس. پيٽ جو هيٺيون حصو هلڪو نيرو ٿئيس ٿو. پڇ ۾ اڇا ۽ نيرا افقي پٽا ۽ پڇ جا وچان کنڀ سرمائي ٿيندا اٿس. اڪثر ٿنڀن تي يا ڪنهن وڻ جي ٽاريءَ تي ويٺو هوندو آهي ۽ جڏهن پَرَ ڦڙڪائي هيٺ لھندو آھي، تڏهن ان جا اندريان ٻه رنگا پر واضح ٿيندا آھن پر انهن جي ڊزائين ڪشميري چانهه کان مختلف هوندي آهي. چانهه پکي ٽنڊڻ ۽ ٻيا جيت کائيندو آهي. چانھن چاري پکيءَ جو تعلق به ماحول : 6 سان آهي.